Comunidade Salesiana hahu hala’o misaun iha rai Fatumaca iha tinan 1964. Escola Técnica hahu iha tinan 1973 Irmaun Carlos Gamba SDB, misionariu salesiano husi Italia. Iha tinan nebá hahu ho kursu tékniku rua: Técnico de Carpintaria-Marcenaria no Técnico de Mecánica. Curiculo de Ensino iha tempu neba tuir Governasaun Portuguesa nian.
Iha tinan 1974-75, atividade ensino-aprendizagem nian interompidu tamba situasaun polítika nian. Iha tinan 1977, okupasaun Governo Indonesia nian, hahu fali ho naran Sekolah Teknik (ST) ho nivel equivalente Pré-Secundário, kontinua nafatin ho kursu tékniku rua: Carpintaria-Marcenaria no Mecánica. Iha tinan 1985, Governo Indonesia eleva nivel escola husi Sekolah Teknik ba Sekolah Teknologi Menengah (STM) nebe equivalente ba nivel Escola Secundária. Tamba nesesidade rai-laran nian, Salesiano-sira aumenta tan kursu tékniku rua mak; Técnico de Electricidade No. iha tinan 1990 loke tan kursu Técnico de Electrónica.
To’o ohin loron, naran oficial escola nian mak Escola Secundária Técnica Vocacional Dom Bosco Fatumaca (ESTV Dom Bosco Fatumaca) nebe oferese kursu tékniku-vocacional ha’at mak hanesan: Técnica de Carpintaria-Marcenaria, Técnico de Mecánica, Técnico de Electricidade no Técnico de Electrónica. ESTV Dom Bosco Fatumaca implementa curículo modular husi Ministério da Educação.
Salesiano-sira konsiente katak, área importante ida ba dezenvolvimentu rai ida nian mak edukasaun nebe iha kualidade, liu-liu prepara rekursu umanu nebe iha kompeténsia téknika. ESTV Dom Bosco Fatumaca halao hela misaun ida nee hodi forma no eduka foinsa’e sira tuir karisma São João Bosco nian: forma no eduka estudante foinsa’e sira sai fiar-nain diak no sidadaun onestu.
Motto Escola
“Bons Cristãos e Honesto Cidadãos” S. João Bosco
Formasaun no Edukasaun estudante sira iha ESVT Dom Bosco Fatumaca fundamentadu iha método educativo Dom Bosco nian nebé hanaran SISTEMA PREVENTIVO. Sistema ida ne’e buka hatan ba foinsa’e sira nia necessidade liu husi dalan amizade no inclusão hodi cria ambiente ida nebé halo sira sai ema nebé maduro fisicamente espiritualmente. Ita hetan iha Dom Bosco humanismo ida nebé maka’as tebes no iha qualidade humana nebé a’as tebes; nia ajuda ema atu desenvolve nia-an sai
diak liu tan ba nível ida nebé a’as liu. Nia mate ho tinan hitunulu resin rua, no nia mate tamba ninia força esgotado tiha ona (kole demais). Nia servisu maka’as no nia la hanoin nia-an, maibe hanoin no servisu deit ba foinsa’e sira hodi hanorin sira: fo conselho, educa sira ba valores morais; Harí instituções religiosas atu continua nia servisu, harí escola sira iha Itália no iha nasaun sira seluk nu’udar meios atu habelar ninia sistema educativo nebé baseia ba razão, religião no domin. Dom Bosco nia Sistema Preventivo hetan inspiração husi Jesus nia Evangelho. Jesus nebé laran maus, laran pasensia no nakonu ho domin. Metode ida ne’e, concretamente, baseia ba São Paulo nia Surat nebé dehan: “Caridade, laran pasensia no laran maus […] Caridade terus buat hotu-hotu (1Cor 13, 4-7)”.
Dom Bosco nia Filosofia da educação baseia ba princípios cristãos no Revelação Divina kona ba ema no ema nia desígnio.
Escola Secundária Técnica Vocacional (ESTV) Dom Bosco Fatumaca fiar katak educação tenke promove no desenvolve ema nia capacidades nebé Nai Maromak haraik ba nia, atu nia bele realiza nia-an no tulun nia maluk sira atu hola parte iha Maromak nia moris.
ESTV Dom Bosco Fatumaca iha compromisso atu forma ema atu comprende ninia objetivo no ninia contribuição ba sociedade.
Vizaun Escola
Lived by the charisma of St. John Bosco, our founder, we strive for excellence of the young people, following the his educational model: the PREVENTIVE SYSTEM based on the reason, religion and loving kindness.
Misaun Escola
- ESTV Dom Bosco Fatumaca buka atu forma foinsa’e sira, liu-liu sira nebé marginalizadu atu sai ema nebe comprometido ba Maromak nia serviço, hodi servi nação no maluk sira.
- Nu’udar Escola Católica, ESTV Dom Bosco Fatumaca Participa iha Igreja nia missão, forma ema nebé atu moris tuir valores Evangelhos nian, no tulun ema seluk tuir ida-idak nia capacidade nebé simu husi Maromak.
- Nu’udar Escola Salesiana, ESTV Dom Bosco hamhan-an iha espírito salesiano nia okos, liu husi comunidade educativa ida nebé moris no tau ba escola ne’e ho princípios: RAZÃO, RELIGIÃO NO DOMIN. Ho objetivo principal nebé Dom Bosco dehan atu forma ema sai“sarani nebé diak no cidadão nebé honesto”.
- Nu’udar Timor-Leste nia escola ida, ESTV Fatumaca haka’as-an nafatin atu forma cidadão nebé honesto, nakonu ho valores culturais Timor-Leste nian, hatene halo contribuição ba nação tuir nia capacidade, hodi nune’e bele harí sociedade Timor-Leste nebé justo no humano liutan.
- ESTV Dom Bosco Fatumaca ho ninia cuidado especial ba educação Técnica, sei hakas- an atu capacita foinsa’e barak liu tan nebe kompetente, nune’e sira bele participa iha nação nia desenvolvimento konaba tecnología no socio-economico.
The Heart of Education is education of the Hearts
S. John Bosco
