Hodi selebra Loron Mundial Servisu-nain sira nian no Festa Saun Jose Operario, nudar Patrono ba Servisu-nain sira nian, Colegio Fatumaca organiza Seminar ida ba estudante-sira konaba:
- Servisu,
- Impaktu AI (Artificial Intelligence) ba Gen-Z
Iha Seminar nee, orador nebe elabora tópiku konaba Servisu, akresenta katak Servisu ne’e dignifika ema nia moris, haburas no hafurak kriasaun Maromak nian. Modelu Servisu nain nebe diak mak Saun Jose nebe servisu ho nonok no la hatudu-an.
Orador nebe elabora tópiku konaba Impaktu AI ba Gen-Z sira, apresenta AI nia vantagem ba ema nomos potensia risku husi AI ba ema nebe uza la ho kuidadu no la ho responsabilidade. AI nudar sistema no feramenta ida nebe amplifica inteligencia humana, empodera inteligencia humana, capacidade humana no AI optimiza tarefas ou serviços actuais.
Depois de seminar, kontinua kedas ho Missa Eukaristika iha Gruta Nain Feto nian hodi festeja loron Servisu-nain sira nian, Festa Saun Jose Operario nomos loke fulan Mariana (fulan nain Feto nian).
